佇台北就是佇汝个愛-TTS

攏是汝咧騎oo-too-bai，

就像咱个愛，

嘛攏予汝騎咧。




汝敢知影，我會愈來愈細?

因為按呢，

叫使講我毋免催油，

毋免保養。




請虐待我、

苦毒我、

凌遲我。

用汝个疼，摃破汝愛个包膜。

予我會當感受家己猶閣活咧，活佇痛苦个世間。




但是，請莫無愛我，

因為，我會隨死。

若袂記得開始，就毋知當時結束-TTS

彼个時陣，
愛傷緊，像番仔火，
著火矣就無人通阻擋。


也就按呢，咱佇啥攏毋知各時陣，
就行到雙叉路。
講好莫越頭，
另工會閣相拄。


汝健康，我平安，
只是目箍已經予火
薰紅。