[愛歌] 夢中做戇儂-AMIT

夢中做戇儂

詞：陳佳惠
曲：黑色牡羊

滿天个田蠳，飛過夢中田岸墘。夢彼段，初戀滋味。
牛郎佮織女每一年，相逢也有時。汝佮我注定分離。
青色海岸，白色个沙，兩雙跤印無聲恬恬行相偎。

風咧唱歌，雲來做伴，汝我哪會無牽手个勇氣？

想汝彼一暗，相思茫茫寂寞氣味重，故鄉月照袂著希望啊。
孤單一个儂，雨水冷冷花蕊失清香，想欲來挽回，已經慢。

想汝彼一暗，夢來成空目箍已經紅，阮猶是無法度袂記啦。
賰我一个儂，彼條情歌阮猶唱袂煞，天頂星也笑阮是戇儂。


少年家青春來討債，喙鬚嘛已經白，無注意緣份就錯過。
敢講汝毋知，一世人無兩回，重來个機會。

月娘啊陪伴阮 ～ 做眠夢 ～